အမြင်မတော်သူ နှင့် တနပ်စားသမားများ

 

တွေ့နေ မြင်နေရတဲ့ ကိစ္စလေး တစ်ခု ပြောဦးမယ်။ အမြင်မတော်သလို ဖြစ်တာရော .. ဒီလောကထဲ အုပ်ရောရော ကျောက်ရောရောနဲ့ ရောက်လာတဲ့ ငတိလေးတွေကို ပြောချင်တာပါ။ BDSM ဆိုတာကို ဂရုတွေမှာ ရေးတဲ့ ဆွေးနွေးချက်တွေနဲ့ ဇာတ်လမ်းတွေ ... ပုံတွေ .. မူဗွီတွေကို ကြည့်ပြီး သိလာတယ်။ ပြီးလည်းပြီးရော .. နှစ်ပိုင်း ကွဲသွားကြရော။ Sub/ Slave ဘက်ကို အားသန်ပြီး စိတ်ဝင်စားသွားတဲ့ ကိုကိုမောင်မောင်မောင်တွေက ... Mistress ရှာကြပါပြီ။ တချို့ကလည်း မာစတာ ရှာကြတယ်ပေါ့။ ဘာလာလာဒေါင်းတဲ့သူတွေကလည်း ဘာရရ ရှာပါတော့တယ်ပေါ့။ 

ရှာပုံ ရှာနည်းက တော့ များကြီးရှိတယ်။ 

- ပို့စ်တင်ပြီး မနူးမနပ်နဲ့ .. " သခင်မ လိုချင်လို့ပါခင်ဗျာ... ဘယ်သူရှိလဲဟင် "  ဆိုတာတစ်ခု..

- Mistress သို့မဟုတ် Mistress လို့ထင်ရသူများကို တွေ့ပါက မရမက လိုက်အပ်။ မက်ဆေ့ချ်ကနေ ခစားပါရစေ.. ခိုလှုံပါရစေ .. ဘာညာနဲ့ ရှာတဲ့သူမျိုးက တစ်ခု ... 

- ရှိပြီးသားဆော်.. သို့မဟုတ် မရသေးသောဆော်ကို အတင်းလိုက်ပြီး Femdom လိုင်းသွင်းပေးတာက တစ်သွယ်.. 

- Pro-Dom သို့မဟုတ် Pro-Dom အမည်ခံ ခါတော်မှီ လုပ်စား မိန်းမ များကို အခကြေးငွေပေးပြီး ရှာဖွေတာက တစ်မျိုး ... စတဲ့ စတဲ့ . ဒီထက်လည်း ရှိနေသေးတဲ့ နည်းလမ်းများစွာနဲ့ ရှာဖွေကြပါတယ်။ 

ပြီးတော့ အဆင်ပြေတဲ့သူတွေကလည်း ပျော်ပျော်ပါးပါးဆော့ကစားကြ ... 

ငွေကုန်လူပန်း အရှက်ကွဲပြီး ဘူတဲ့သူကလည်း ဘူသွားကြပေါ့လေ။ 

ထားပါ.. ကျွန်တော် အခု ပြောချင်တာ စလေ့တွေ မဟုတ်ဘူး။ ဘာလို့လဲဆိုတော့ Sub/Slave တွေက တကယ်တမ်းပြောရရင် အခံဘက်က များတာကိုး။ 

တကယ့်ကို စစ်မှန်တဲ့ Mind Set နဲ့ သခင်မ မျိုးကို ရသွားတဲ့သူကလည်း ကံကောင်းစွာနဲ့ ပလေးရတယ်။ ဒါပေမယ့် အခံဘက်ကပဲလေ။ 

ဟော .. လူလည်ကျချင်တဲ့ Mistress အမည်ခံ တစ်ချို့နဲ့ တွေ့တော့လည်း အခံဘက်ကပဲ။ အဲဒီမှာမှ ပိုဆိုးတာ.. တချို့က ငွေကုန်ရုံနဲ့ မပြီးသေး .. အရှက်သိက္ခာ ပတ်ဝန်းကျင်မှာပါ သောက်ရှက်တွေကွဲရော... ။

 အဲ့တော့ Mind set အရ Submissive ဖြစ်တဲ့အတွက် အခံ အငုံ့ဘက်က နေရတဲ့ကြားထဲ တကယ် Real life မှာပါ ထိခိုက်ကြတဲ့အခါမျိုးတွေရှိတော့ အပြစ်လို့ ရှာနိုင်ဖွယ်မရှိ။ သူတို့ကြောင့် ဘယ် သခင်/ သခင်မ ကမှ ထိခိုက်နစ်နာသွားတာမျိုး ရှိဖို့ အလွန်နည်းပါးပါတယ်။ 

အခုပြောချင်တာ Dom/Master ဆိုတဲ့ မဟာပုရိသ ယောက်ျားလေးများကိုပါ။ ကျွန်တော်ကိုယ်တိုင်လည်း ဒီလောကထဲကို စဝင်တုန်းက  Dom အနေနဲ့ ကျင်လည်ခဲ့တာ အတော်ကြာတယ်။ ပြီးတော့ Switch သွားတယ်။ ပြီးတော့တစ်ခါ ထပ်ပြီး Dom အနေနဲ့ ပြန်ပြောင်းတယ်။ ပြီးတော့ Switch တယ်။ အခုနောက်ပိုင်း မူလနေရာဆီ ပြန်သွားနေပါတယ်။ 

ဆိုလိုတာက ကျွန်တော် မျက်နှာများတယ်လို့ပဲဆိုဆို နှစ်ဖက်စလုံးဘက်မှာ ကောင်းကောင်းနေဖူးတယ်။ ပြောရရင် Dom အနေနဲ့ ကျင်လည်ဖူးတဲ့ ပါတနာက ပိုတောင်များပါသေးတယ်။ Sub ဘက်ခြမ်းမှာ ပါတနာ မထားပါဘူး။ One Time meet and play တောင် အကြိမ်ရေ အတော့်အတော် နည်းပါတယ်။ 

ဘာလို့လဲဆိုတော့ .. ကျွန်တော့် Real life ကိုထိခိုက်လာမှာမျိုးကို ကြောက်တဲ့အတွက် တော်တော်ကြီး စဉ်းစားရတာပါ။ 

ခင်ဗျားတို့ တွေးကြည့်ကြဗျာ။ DS ဘက်ခြမ်းမှာ ဆော့တာချင်းတူတူ .. လူမိသွားပြီ ဆိုပါစို့... အပေါ်စီးက ဆက်ဆံနေတဲ့ကောင်နဲ့ .. ဒူးထောက်အရှုံးပေးပြီး ပုံမှန်ဆိုရင် သူများမလုပ်တာတွေ လိုက်လုပ်နေတဲ့ ကောင်နဲ့ .. အဲ့ဒီနှစ်ယောက် ယှဉ်ရင် ဘယ်သူ အရှက်ပိုကွဲမယ်ထင်သလဲ...။ 

အခုနောက်ပိုင်း Dom ဆိုတဲ့ ကောင်တွေ အသားကုန်များလာတယ်။ Sub တွေလည်း များလာတာပါပဲ။ ဒါပေမယ့် ခုန ပြောသလို အခံဘက်က ကောင်တွေဆိုတော့ ထားလိုက်တော့။ Dom ဆိုတဲ့ဘက်ကို ရောက်လာတဲ့ သူတွေကို ကြည့်လိုက်တယ်။

- စကတည်းက သူများကို အနိုင်ကျင့်ချင်စိတ်ရှိတဲ့သူက ဒါမျိုးလည်းရှိပါလားလို့ သိတဲ့အခါ သူ့အရင်က အနိုင်ယူလိုစိတ်ကို ဒီလောကထဲမှာ ဆက်သုံးချင်လို့ (Dom Mind Set မှန်မှန်နဲ့)

- စကတည်းက သူများကို အနိုင်ကျင့်ချင်တာ။ ဒါကိုသိပြီးချိန်မှာ ဒီလောကထဲမှာရှာပြီး အနိုင်ယူချင်နေလို့ (Dom Mind Set မမှန်တာမျိုးနဲ့)

- စလေ့လေးတွေကိုများရရင် အသားလွတ်အချောင်သက်သက် စားရရုံမကပဲ..နည်းမျိုးစုံနဲ့ပါ ကြိုးခုန်လို့ ရမယ်ဟ .. ဆိုပြီးတော့ အကြံဆိုးကြီးနဲ့ ဝင်လာတဲ့ အချောင်သမား လူယုတ်မာကောင်တွေ အစရှိသည်ဖြင့် .. မဟာပုရိသ မာစတာအပေါင်း ထွက်ပေါ်လာပါတော့တယ်။ 

ကဲ.. သူတို့ကရော ဘာလုပ်မယ်ထင်သလဲ။ မေးကြည့်မနေနဲ့။ တွေးကြည့်မနေနဲ့။ ရှာတာပေါ့ဗျာ။ 

ဟို Sub ဆိုတဲ့ ငနဲများက သူတို့ ခံရဖို့ ရှာသလို ... ဒီ မာစတာဆိုတဲ့ မဟာလူသား တောက်တောက်ကြွားများကလည်း သူတို့လက်ထဲသက်ဆင်းပုံအပ်မယ့် သားကောင်လေးတွေကို လိုက်ရှာတော့တာပေါ့။ 

Homo/ Gay ဆိုရင် အထီးလေးတွေ ရှာမယ်။ Straight ဆိုရင် ကြောင်ပေါက်မ လေးတွေကို လိုက်ရှာမယ်ပေါ့။ ဟော .. အဲ့ဒီမှာလည်း ရှာပုံတွေက ကွာပြန်ရောဗျို့ ...

၁။ ငါမာစတာကြီးဆီမှာ ဘယ်သူ ကျွန်ခံမလဲဟေ့ .. ဘာညာ နဲ့ ပို့စ်တင်ပြီး တာဇံရှာ ရှာနည်းက တစ်မျိုး

၂။ ငါက ဘယ်သူနဲ့ ဆော့တုန်းက ဘယ်လို ဆော့ခဲ့တာ ဘာညာနဲ့ တကယ်လည်း မဆော့ဖူးပဲ .. Experience ရှိသယောင်တွေ အထင်ကြီးအောင် ရေးပြ ... ငတိမ လေးတွေက မနူးမနပ်နဲ့ သွားလည်း တိုးရော ကွိကနဲ ဖမ်းပြီး လုပ်ချင်တာ လုပ်တော့တာပဲ ဆိုတဲ့ .. နည်းကို သုံးတဲ့ ကောင်က တစ်မျိုး။

၃။ ပို့စ်တွေတင်တယ်ဗျာ။ BDSM ဆိုတာက ဘာ...... ညာ ... ကွိ ...ကွ ...ရင်တွင်းဖြစ်တွေ ရေးတယ်။ ကိုယ်ပိုင် အတွေးအခေါ်တွေ ရှယ်တယ်။ တကယ့် ခံစားချက်တွေပြောပြတယ်။ အပြုသဘော ဆွေးနွေးတယ်။ တကယ်လည်း Mind Set ရှိတယ်။ အဲ့ဒီမှာ ခိုက်သွားတဲ့ စလေ့ မာတုဂါမ များနဲ့ ပျော်ပျော်ပါးပါး ဆော့ကစားကြပေါ့ .. ။ 

၄။ ကိုယ်တိုင်တော့ စာတွေ မရေးတတ်ဘူး။ သူများရေးသမျှကို ထိုင်ရှယ်ပြီး ပုံလှလှလေးတွေ .. အထူးသဖြင့် Black & White Romance Dom vs Sub relation ပုံလေးတွေ ပရိုဖိုင်မှာ တွင်တွင်သုံး .. ဝေါထဲ ခဏခဏ ရှယ်...စူပါရှယ် ကိုကိုမာစတာများပေါ့... သူတို့က တစ်မျိုး.. 

၅။ ကိုယ်တိုင်တော့ စာတွေမရေးတတ်ဘူး။ Mind Set အမှန်လည်း တကယ်မရှိဘူး။ ဒီလောကထဲလာတာကိုက စားရရုံလာတာ။ သားကောင်လာရှာတာ။ အင်္ဂလိပ်စာလေးလဲ မတောက်တခေါက်ရတယ်။ စဆရက အထာကြီးနဲ့လည်း ဝင်ချင်တယ်....။ ဟော ... မစ္စတာဂူဂဲလ်များ ဖြစ်ပါတော့တယ်ခင်ဗျာ။ ဂူဂဲမှာ What is BDSM?  ... Roles of BDSM? .. How is the relationship of Dom and Sub? ..... Types of BDSM .. ဘာညာနဲ့ တစ်တောက်တောက်ရိုက်.. တစ်ဂွပ်ဂွပ်ရှာ ... ပြီးရင် ဦးဏှောက်ရော .. အွန်လိုင်း Translator ရော .. Dictionary ပါမကျန် သုံးပြီး ဘာသာပြန်ပါပြီခင်ဗျာ။ ပြီးရင် ပို့စ်တွေ တင်ပါပြီ။ အဲဒီမှာ သားကောင်လေးတွေ ရောက်လာရင် ဖမ်းပါပြီ။ 

၆။ နောက်ဆုံးတစ်မျိုး .. အထပ်ပါ ၅ မျိုးစလုံးက လူတွေပါပဲ .. ကိုယ့်ဘာသာ မနေပဲ .. ဒီလောကထဲ မိန်းကလေးအကောင့်အသစ်တစ်ခုများ တက်လာရင်၊ အရေးအသားလေးကောင်းတဲ့ Sub လေးမျိုးများဖြစ်ရင်... ဟိုင်း .. ဟိုင်း ဟိုင်း ..နဲ့ ဟိုင်းကြီးကျွန်းသွားကြမယ့် သူတွေဖြစ်ပြီး ကလေးမတွေ Chat Box မှာ ပလူတွေပျံအောင် သွားခေါ်မယ်။ မိတ်ဆက်မယ်။ မိမိဟာ မဟာပူရိသမာစတာစစ်စစ်ကြီးဖြစ်ကြောင်း အထပ်ပါ နည်းလမ်းများအကုန်သုံးပြီး ဆွဲဆောင်မယ်။ ပါလာတော့လည်း .. ပျော်ပျော်ပါးပါး ဆော့ကစားကြပြန်တာပေါ့။ 

အဲဒီလို အတန်းရှင်း ရှာနည်းများစွာနဲ့ ရှာကြပြီးသကာလမှာ .. ရလာတဲ့ ကောင်မလေးများကို နည်းမျိုးစုံနဲ့ လွှမ်းမိုးကြပြီ။ ရိုးရိုးသားသား ခိုးစားကြတာတော့ ထားလိုက်ပါတော့။ နှစ်ဦးနှစ်ဖက်လုံး တကယ့်ကို DS အပေါ်မှာ ရူးသွပ်လွန်းအားကြီးတဲ့ သူများအဖြစ်ကော အစစအရာရာ ကြိုတင်သတ်မှတ်ထားတဲ့ ဘောင်တွေစည်းတွေရှိပြီးသားသူတွေအတွက်ရော အဆင်ပြေပါတယ်။ 

အဲ့ဒါရဲ့ အခြားတစ်ဖက်မှာတော့ တဖက်သား မိန်းကလေးများရဲ့ Sub space ကို အခွင့်ကောင်းယူပြီး စည်းမထား ဘောင်မထား နည်းမျိုးစုံနဲ့ အနိုင်ကျင့်.. ငါမာစတာကွဆိုပြီး လုပ်ချင်တာတွေလုပ် ခိုင်းချင်တာတွေခိုင်း .. ပြီးလည်းပြီးတော့ Mind Set မရှိ။ သစ္စာမရှိ။ သိက္ခာမရှိ လုပ်ရပ်တွေလုပ်ကြ။ မိန်းကလေးတစ်ယောက်ရဲ့ အရှက်တရား .. အငုံ့စိတ်ကို အဲ့ဒီ BDSM ဆိုတဲ့ ခေါင်းစဉ်အောက်မှာ သွပ်သွင်းပြီး တကယ်တော့ တဏှာရာဂ အတွင်းစိတ်သီးသန့်နဲ့ စားသုံးနေကြတဲ့ သူများကိုတော့ ပြောချင်ပါတယ်။ 

DS လောကကြီးကို ခါတော်မှီအရောင်လွှတ် .. တစ်နပ်စားအကြံနဲ့တော့ လာပြီး မဖျက်စီးကြပါနဲ့ဗျာ။ ခင်ဗျားတို့ စားချင်ရင် ဝယ်စားကြပါ။ ဝယ်လည်း မစားချင်ဘူးဆိုရင် ဖန်စားကြပါ။ ဒီထဲမှာတော့ လာပြီး မဖန်စားကြပါနဲ့။ ကျေးဇူးတင်ပါတယ်လို့။ 

ရေးထားတာတွေက တောင်ကနဲ တိန်ကနဲ ဒဲ့ထိကြတဲ့သူတွေ အနာစပ်ကြတဲ့ သူတွေကိုလည်း တောင်းပန်ပါတယ်။ အမြင်မတော်တာတွေ မြင်နေရလို့ ရေးတာဗျာ။ 

မကျေနပ်ရင်တော့လည်း မတတ်နိုင်ပါဘူး။ စိတ်မဆိုးကြပါနဲ့လို့တော့ တောင်းပန်ပါတယ်။ 

မရရင်လည်း မတတ်နိုင်ဘူးဗျာ။ 

အားလုံး ...... စိတ်တူကိုယ်တူ မှန်မှန်ကန်ကန်လေးနဲ့ 

ပျော်ပျော်ပါးပါး ဆော့ကစား နိုင်ကြပါစေကြောင်း ဆုမွန်ကောင်းများ တောင်းလိုက်ပါတယ်ဗျာ။

ခင်မင်လျက်

ဦးစားကြီး