ကိုယ့် Sub ကို လေ့ကျင့်ပေး

 #Tips_and_Ideas_for_Submissive_Training

Ds လောကထဲမှာ Dom/Mst သမားတွေအဖို့ မဖြစ်မနေ လုပ်ရတဲ့အရာ တစ်ခုကတော့ ကိုယ့် Sub ကို လေ့ကျင့်ပေးရတာပါပဲ။ 

လေ့ကျင့်ပေးရတဲ့ ပမာဏ အနည်းအများသာ ကွာပါလိမ့်မယ်။ တစ်ဦးနဲ့ တစ်ဦး အယူအဆ အကြိုက်တွေ မတူတာမို့ ကိုယ်နဲ့ လိုက်လျောညီထွေဖြစ်အောင် လေ့ကျင့်ပေးရတာမျိုး ရှိသလို၊ ကိုယ့် Sub က လုံးဝ newbie တစ်ယောက်မို့ အစအဆုံး လေ့ကျင့်ပေးရတာမျိုးလည်း ရှိနိုင်ပါတယ်။ ဒီမှာတော့ မရှိပေမယ့် တခြားနိုင်ငံတွေမှာတော့ Submissive training တွေပေးနေတာလည်း ရှိပါတယ်။ ဒါကိုတော့ ဒီအထဲ ထည့်မပြောတော့ပါဘူး။ 

ဒီစာစုမှာတော့ ကိုယ့် Sub ကို လေ့ကျင့်တဲ့ နေရာမှာ အသုံးဝင် အသုံးတည့်တဲ့ အိုင်ဒီယာတချို့ကို ပြန်မျှလိုရင်း ဖြစ်ပါတယ်။ ဘာပဲဖြစ်ဖြစ် ဒီလို submissive ကို train လုပ်ရတာဟာ လွယ်တယ်တော့ မဟုတ်တာ သိထားဖို့လိုပါတယ်။ စိန်ခေါ်မှုတွေ အများကြီးရှိနိုင်ပါတယ်။ တစ်ယောက်နဲ့ တစ်ယောက်လည်း ကွဲပြားခြားနားနိုင်ပါတယ်။ ဒါပေမယ့် ဘာပဲ ဖြစ်ဖြစ် ဒီလို အပင်ပန်းခံဖို့လည်း ထိုက်တန်ပါတယ်။ well trained sub တစ်ယောက်အဖြစ် လုပ်လိုက်နိုင်တဲ့ Dom တစ်ယောက်ရဲ့ ကျေနပ်မှုဟာ ဘာနဲ့မှ မလဲနိုင်ပါဘူး။ ဒီတော့ လေ့ကျင့်ပေးရာမှာ ထည့်စဉ်းစားသင့်တဲ့ အိုင်ဒီယာတချို့ tips တချို့ကို ကြည့်ရအောင်ပါ။ 

၁။ တော်ရင် ဆုချလိုက်ပါ   (Reward good behavior)

ကိုယ်လေ့ကျင့်ပေးတဲ့အချိန်မှာ သူဟာ ကောင်းကောင်းကြိုးစားတယ် ကိုယ်ကြိုက်တဲ့အတိုင်း လုပ်နိုင်တာမျိုး ရှိလာတဲ့အခါတိုင်း ဆုတစ်ခုခုချဖို့ မမေ့ပါနဲ့။ ဒါဟာ သူ့အတွက်လည်း နောင်မှာ ကိုယ့်စကားနားထောင်ဖို့ အကောင်းဆုံးသော ဆွဲဆောင်မှုတစ်ခု incentive တစ်ခု ဖြစ်နေမှာ ဖြစ်ပါတယ်။ 

၂။ ချင့်ချင့်ချိန်ချိန် ပြစ်ဒဏ်ပေးပါ  (Use (real) punishment sparingly)

ဒီအချက်က အင်မတန် အရေးကြီးပါတယ်။ ပြစ်ဒဏ်ပေးမှုဟာ ဘေးထွက်ဆိုးကျိုးတွေ ဖြစ်စေတတ်ပါတယ်။ ကိုယ့် sub က တစ်ခုခု မလိုက်နာလို့ ပြစ်ဒဏ်ပေးမယ်ဆိုတိုင်း ကိုယ်ပေးမယ့် ပြစ်ဒဏ်ဟာ သူ့အပြစ်နဲ့ လိုက်လျောညီထွေ ဖြစ်ရဲ့လား၊ မျှတရဲ့လား (fair) ဆိုတာ သေချာ စဉ်းစားဆုံးဖြတ်ပါ။ မဟုတ်ရင်တော့ အနာတခြား ဆေးတခြား သဘောမျိုးမို့ အကျိုးမရှိတဲ့အပြင် အကျိုးမဲ့စေနိုင်ပါတယ်၊ လက်ခံရသူ sub အဖို့ သူ့ပြစ်ဒဏ်ခံရတာဟာ မတရားဘူး မမျှတဘူးလို့ မြင်သွားစေလို့ မရပါဘူး။ သူကိုယ်တိုင်က နားလည် လက်ခံနိုင်တဲ့ ပြစ်ဒဏ်မျိုးဖြစ်ဖို့ အရေးကြီးပါတယ်။ 

၃။ စည်းမျဉ်းတွေ၊ ကန့်သတ်ချက်တွေ၊ အစီအစဉ်တွေ သေချာ ချမှတ်ပါ  ( Establish rules and limits and routines)

ကိုယ့် sub ကို လေ့ကျင့်ပေးတော့မယ်ဆို စည်းမျဉ်းစည်းကမ်းတွေ ကန့်သတ်ချက်တွေကို စတင်သတ်မှတ်တာ အကောင်းဆုံး နည်းလမ်းတစ်ခုပါပဲ။ ဒီလို လုပ်ခြင်းအားဖြင့် ဒီကနေ ဘာတွေကို မျှော်လင့်ထားနိုင်မလဲဆိုတာ sub ကို သိအောင်လုပ်ပေးဖို့ လွယ်ပါတယ်။ ပြီးတော့ ကန့်သတ်ချက်တွေ (limits) ထားခြင်းဟာ sub ဖြစ်သူအတွက် လုံခြုံစိတ်ချရမှုဆိုတဲ့ ခံစားချက်ကိုလည်း ပေးနိုင်ပါတယ်။ D/s (BDSM) relationship တစ်ခု ရယ်လို့ စကြပြီဆိုရင် တိကျခိုင်မာတဲ့ အစီအစဉ်တစ်ခုလည်း လိုအပ်ပါတယ်။ 

လိုချင်တဲ့ ပန်းတိုင် အနေအထားတစ်ခုကို ဘယ်လို မောင်းနှင်ကြမယ်ဆိုတာအတွက် အစီအစဉ်ကောင်းကောင်း ဆွဲထားမှုဟာ လိုကို လိုပါတယ်။ နှစ်ဦးအကြား ခိုင်မာတဲ့ ဆက်ဆံရေး တစ်ခု တည်ဆောက်ဖို့လည်း အထောက်အပံ့ ဖြစ်စေပါတယ်။ 

၄။ အပြောင်းအလဲမများနဲ့ တည်ငြိမ်ပါ   (Be consistent)

အရေးကြီးတဲ့ နောက်အချက်တစ်ခုကတော့ ကိုယ့် sub ကို လေ့ကျင်ပေးရာမှာ အပြောင်းအလဲတွေ ခဏခဏ မလုပ်မိဖို့ပါပဲ။ တည်တည်ငြိမ်ငြိမ်ပဲ ကိုယ့်အစီအစဉ်အတိုင်း တသမတ်တည်း သွားနေဖို့ လိုပါတယ်။ ကိုယ်ဆွဲထားတဲ့ အစီအစဉ်၊ စည်းမျဉ်းတွေကိုမှ ကိုယ်က ပြင်လိုက်ပြောင်းလိုက် လုပ်နေရင် sub ဖြစ်သူက ခင်ဗျားဆီက ဘာကိုမျှော်လင့်နိုင်မှာလဲဆိုတာ တွေးကြည့်ပါ။ ကိုယ့်ကို သူ ရိုကျိုးလိုတဲ့ Dom အဖြစ် သတ်မှတ်ဖို့ ခက်သွားမှာ သေချာပါတယ်။ ဒါကြောင့် အစီအစဉ်တွေ စဆွဲကတည်းက ဒီလိုအဖြစ်မျိုး ရှောင်နိုင်ဖို့ သေချာလုပ်ထားသင့်ပါတယ်။ 

၅။ စိတ်ရှည်ပါ (Be patient)

ထပ်ပြောရပြန်ပါဦးမယ်။ Dom/top သမား အများစုဟာ သိပ်စိတ်မရှည်တတ်ကြပါဘူး။ ဒါပေမယ့် ကိုယ့် sub ကို လေ့ကျင့်ပေးတဲ့နေရာမှာတော့ ကြိုးစားပြီး စိတ်ရှည်ဖို့လိုပါတယ်။ ဒါမှလည်း ကိုယ်လိုချင်ရာကို ထိထိရောက်ရောက် သွားနိုင်မှာ ဖြစ်ပါတယ်။ နေ့ချင်းညချင်းတော့ ကိုယ်လိုချင်တာ ဖြစ်မလာနိုင်တာ သေချာပါတယ်။ ဒါကြောင့် ကိုယ့် လေ့ကျင့်ခန်း အစီအစဉ်တွေထဲမှာ စိတ်ရှည်မှုပါ ပေါင်းစပ်ပေးထားနိုင်ဖို့ လိုပါတယ်။ 

Conclusion: ဒီ အပေါ်က ဖော်ပြခဲ့တဲ့ ၅ ချက်ဟာ Submissive Training လုပ်မယ်ဆိုရင် သိထားသင့် ဂရုထားသင့်တဲ့ အချက်တွေပဲ ဖြစ်ပါတယ်။ စုဆောင်းထားတာတွေထဲက သင့်တော်သလို ဆွဲထုတ်ထားတာပါ။ အားလုံးပဲ လေ့ကျင့်ရင်း လိုချင်တဲ့ ပန်းတိုင်ကို လှမ်းနိုင်ကြပါစေ။ 

#subtraining

@Sensation N Power Games